Syahrur rahma

geus nincak pertengahan bulan romadon, aing pakeupis keneh ngurusan pagawean di tangerang, nu tingal sababaraha poe deui menjelang cuti lebran.
ungal poe papuket keneh jeung pesbuk nu makin maceuh. sangeus link jeung babaturan sma ayeuna jeung babaturan smp geus mulai nyarambung. lah nya lumayan jang ngahibur diri dina keterbatasan ruang jeung waktu. aing asa balik ka 20 taun katukang , lamun di inget2 can loba perubahan didiri aing, masih kitu2 keneh.
tapi loba kasenangan dina hirup(kasusah mah tara di inget2). ngajadikeun aing terus2an ngarasa kudu bersyukur. sanajan ieu hirup tacan nepika naon nudipikahayang, setidaknya teu jadi naon nu dipika embung. jadi masih transisi.
hirup ieu memang transisi salawasna nepika titik paeh.
bisa paeh dicabut nyawa , bisa paeh upaya bisa paeh kahayang.
nu parah paeh kahayang, jelema hirup keneh tapi geus teu boga harepan2 acan. hartina geus paeh mangtaun2 samemeh ngaleupaskeun nyawa.
kuring rek hirup jeung terus hirup samemeh paeh.

paisbueuk

jadi rame pebukan teh ayeuna mah euy, papangih deui jeung babaturan heubeul, babaturan ti friendster oge marake pesbuk ayeuna mah. wah lumayan jadi bahan hiburan kana hate.
ka ayeunakeun pakeupis wae ngurusan pesbuk, najan bari gawe nya taya halangan.
nya syukur alhamdulillah. poe isukan geus nincak bulan ramadhan, kuring niat ya Allah, bade ngajalan keun ibadah saum dina dinten enjing dugika boboran , mugia dipaparinan kakuatan pikeun ngajalankeun na, amien.

Maen PS2 (playsatation 2)

Naha lain ps3 sakalian?
1.playerne mahal
2.kasetna harese jeung angger mahal

jadi boga coco'oan anyar jang barudak , sangeus si nanda geus boseneun maen game dina komputer,
ahirna kuring ngelehan meuli ps oge.
bubuhan ka anak sagala hayang ngayonan kahayangna. sok jadi bungah kacida mun ningali budak teh marahmay atoh.
bubuhan da kaset na mah teu kudu meuli.
ngan saperti biasa tantangan anyar ogesa pikeun kuring jadi aya bahan jang ngoprek software na, jeung neangan cheat na hehehehe
kiwari mah browsing teh resep macaan trick2 jang ngoprek ps, aya bahan muka rental ps yeuh..........

Kadatangan SOBAT DALIT

Sukur bagjaning awak
poenan pamelu sobat aing keur sma datang ka imah,
hahay.... sono eung geus lila pisan teu pangih.
nya saperti nu bisa dibayangkeun nya datang2 langsung we ngabacokak,
ngawangkong ngaler ngidul bari jeung ngelepus udud.
bedana ayeuna mah geus pada rimbitan, baroga budak.
sikumpay budakna hiji ngarana Reija ......teu apal panjang na mah.
harita biasa nu ditanyakeun pasti si Inoth, tentang khabar terahirna jeung posisina dimana. sono..........
hayang bisa ngariung deui, bari ngobrol ngaler ngidul.
keun we taya juntrungana ge, nupenting rame.
mun baheula kadang aing asa sok jadi era sorangan, dumeh aing urang kampung, maranehnamah urang kota.
sok asa beda cara pandangna ka aing, mni bangun nyapirakeun. tapi ah meureun pikiran aing sorangan nu minder waktu harita, da memang aing urang kampung.
harita urang bisa sosobatan lantaran karesep nu sarua kana Queen. jadi weh sosobatan, jeung resep heureuy banyol jeung jail.
aaaaahhhh endah waktu harita.

Tong sieun gagal

tibaheula nepika kiwari
aya hiji su'al nu matak alergi
nyaeta kecap gagal
gagal ngajikeun hate marojengja
gagal matak jadi gelo
gagal matak leungit temah wani
gagal matak hayang bunuh diri,.iyyyyy ba'id

sieun gagal ?
naha make dipikasieun.
gagal mah sarua jeung proses diajar nu can rengse.
gagal teh ujian karena urang bakal hasil.
jalma nu sieun gagal,barijeung teu prak milampah geus pasti jalma gagal.

gagal aya oge nu ngeunah,
nyaeta:
'Gagal gegel kana biwir kabogoh'
heuheuy deuh

Papatah kadiri sorangan

timimiti ayeuna rek mulai
ngumpulkeun papatah nu hade
jeung pihadeun keur aing khususna.
mun pareng aya nu maraca ieu tulisan , ah salah maneh sorangan make maca
jadi weh ngiluan dipapatahan.
mun nu teu kuat dipapatahan atawa ngarasa geus pinter, buru2 kaluar ti blog ieu, jig ah

Nikmat na Rumahtangga

Najan kuring sok aya rasa heran,
atawa kuring teu pernah jeung teu hayang ngalaman.
aya rumahtanga nu gujrud pakokolot.
sangeus geus reay anak.
ceunah basana geus taya kacocokan.
naha teu cocok teh geuning kakapeungan?
ah eta mah alesan teu asup di akal.
Alhamdulillah, kuring malah ngarasa makin cinta ka pamajikan.
komo geus aya nujadi anak
makin meumeut ka sang bojo
sanajan rada galak , ah kuring hayang larut ka sifat manehna.
kitu deui sang bojo, karasana kukuring terus ngaleburkeun diri kana sifat2 kuring nu hayang slalu mimpin.
karasa nikmatna rumahtanga
barijeung sok aya pabentar paham ge da wajar we,
malah kuring sok ngahaja ngarah kanyahoan unek2 hatena
ambeh gancang kuring neuleuman perasaan manehna.
mungguhing sifat awewe perasaan diheulakeun tina logika.
etamah tos kudratna nya lumrah, malah eta nu sok jadi seni dina hirup rumahtanga.
anak kuring nu cikal sanajan teu cerdas oge deuh kuring tetep nyaah, moal rek ngabanding2 jeung anak batur. keun we soal rengking disakola mah teu jadi soal. nu penting manehna berhasil dina kahirupana jaga.
nu bungsu katempona leuwih cerdas tapi rada geringan.
nya kabeh ge matak betah kuring cicing di imah
sok inget jaman sangsara......
insya Alloh moal deuk ngalaman deui, asal kuring bijak dina ngatur keuangan rumahtanga.
komo ayeuna kuring keur latihan bisnis lantaran hayang pidah kwadran ka kwadran kanan.
najan hesebeleke rek diayonan, da mun aing sukses kabeh kluarga pasti ngarasa sukses.
tapi mun gagal nya aing sorangan nu gagal,
aing teu sieun gagal ,tapi aing kudu siap jadi jalma sukses terutama dina finansial.
memang eta nilai sukses masih di awang2, butuh proses , tapi aing yakin berhasil
aing optimis
aing lahir ka dunya ieu lain jang jadi jalma kasor
aing sumanget pisan
aing bagja geus ngalaman kahirupan ieu.

Nepungan si Papih

dua poe kaliwat kamari sakulawarga nepungan ka Papih, indit ngabring ti sukabumi 2 motor,
kuring ,bojo jeung barudak 2.
si opik maan siLina katut siErika.
kitu ge lantaran sapoe samemehna teh nina nepungan ka sukabumi.
beu......
si papih teh kiwari sangsara pakokolot.
raweuy anak, teu kuat ngabiayaan.
malah manehna geuring cenah akibat stroke
imahna dijual nu cenah dipake brobat.
ari geus sangsara mah karek inget ka aing.!!!!!!!
ah keun we ketang .........
aingah moal ngungkit2 jaman bareto.
tapi aing ge boga keneh rasa nyaah mah ka kolot aing nu tingal eta2na.
manehna gering teu bisa leumpang cnah, menta biaya brobat, nya pidu'ana we atuh tisarerea.
ameh aya rejekina jang brobat, amin.

diajar bisnis di k-link

sugan can kaporotan
jeung meumpeung kaduga
rek ngamimitian diajar bisnis ah
nya carana ngiluan blajar di k-link
insya alloh keyeng
mugia sing laksana bisa pensiun kagajih ratusan juta.
hahay jiga ngarahul nya?
tapi eta teu mustahil,
ah rek diajar heula we jarak sataun mah,
itung2 kuliah we.

deuh si vixy geus diajak lulumpatan kiwari mah euy
lumayan ngasaan nyebrut 130km/jam.
tapi can wani tarik teuing euy, sarieun ah paur ebog dijalan.

laksana NYANUNG

heu heu.... ningali judulna asa serem nya
ah ieu mah lain urusan bikang euy
tapi kuring laksana buga motor dua alias'NYANUNG'
nya geus puguh si JUVE alias jupiter Z, geus ampir 5 taun ditumpakan wae nepika turun mesin 2 kali. walah ....
kiwari meunang si VIXY alias V-ixion , can aya dua bulan.
meujeuhna meumeut keneh, ampir ungal poe dimandian jeung diusapan,
bodyna nu jangkung leutik matak genah numpakana , ceuk dongeng mah asa numpakan lunamaya ..... hahay, meureun etage.
ke poe snen si juve rek dibikeun ka adi kuring si opik.
sina digusur ka banung.
ambeh manfaat lah, dipake jang indit gawe kumanehna.
bye bye juve..............